دل بعض و حسد سے رنجور نہ کر
یہ نور خدا ہے اس سے بے نور نہ کر
لاہور(نامہ نگار، خبرایجنسیاں)کشمیرسنٹرلاہور جموں وکشمیرلبریشن سیل کے زیراہتمام قائداعظم کے پرائیویٹ سیکرٹری اور سابق صدر آزادکشمیر کے ایچ خورشید مرحوم کے 37ویں یوم وفات پر انھیں خراج عقیدت پیش کرنے کے لیے منعقدہ خصوصی تقریب سے خطاب کرتے ہوئے مقررین نے کہاہے کہ کے ایچ خورشید پاکستان اور کشمیریوں کے عظیم محسن تھے۔ انھوں نے تحریک پاکستان کے عروج اور انتہائی کٹھن دور میں قائداعظم کے سیکرٹری کی حیثیت سے شاندار خدمات سرانجام دیں۔ زندہ قومیں اپنے محسنوں کو کبھی نہیں بھولتیں۔ وہ اپنے محبوب قائدین کے افکار کو اپنے لیے مشعل راہ بناتی ہیں۔تقریب سے سابق مشیر صدر آزادکشمیر سید نصیب اللہ گردیزی، سابق رکن قانون ساز اسمبلی مولانا شفیع جوش، حریت رہنما انجینئر مشتاق محمود، رہنما پی ٹی آئی فاروق آزاد، سرپرست کشمیر وکلاء محاذ منظور حسین گیلانی ایڈووکیٹ، نائب صدر مسلم لیگ ن آزادکشمیر لاہور سرکل چوہدری محمد صدیق، انچارج کشمیر سنٹر لاہور انعام الحسن کاشمیری، لیگی رہنما مقبول اعوان، عاطف میر، رہنما پی ٹی آئی عرفان عباسی، رہنما لبریشن فرنٹ شہزاد نازکی، علامہ مشتاق قادری، علامہ فداء الرحمان حیدری، افتخار عباسی نے خطاب کیا۔۔