دل بعض و حسد سے رنجور نہ کر
یہ نور خدا ہے اس سے بے نور نہ کر
اشتعال خواہ کچھ بھی ہو، فیصل آباد کی تحصیل جڑانوالہ میں مجرمانہ توڑ پھوڑ کا قطعاً کوئی جواز نہیں ہے، جہاں ایک انتہا پسند جماعت سے وابستہ نعرے لگانے والے ایک ہجوم نے کم از کم پانچ گرجا گھروں کو نذر آتش کیا اور اس ملک کے پرامن مسیحی شہریوں کے گھروں کو لوٹ لیا۔ آئین تمام اقلیتوں کو مساوی حقوق کی ضمانت دیتا ہے اور یہ بھی ایک حقیقت ہے کہ اقلیتی برادری کے بہت سے ارکان نے ہندو بنیاد پرستوں اور بالادستی کے تعصب کے خلاف مسلمانوں کے ساتھ مشترکہ کاز بنایا۔