دل بعض و حسد سے رنجور نہ کر
یہ نور خدا ہے اس سے بے نور نہ کر
لاہور(بیورو رپورٹ)جموں و کشمیر لبریشن سیل کشمیر سنٹر لاہور اور ہیومین رائٹس سوسائٹی آف پاکستان کے زیر اہتمام یوم یکجہتی کشمیر کے موقع پر دستخطی مہم کا انعقاد کیا گیا۔مختلف سیاسی و سماجی جماعتوں کے رہنماؤں اور شہریوں کی بڑی تعداد میں شرکت، اس موقع پر کشمیر سنٹر لاہور کے زیراہتمام ریلی بھی نکالی گئی۔ریلی سے سابق وزیر حکومت آزاد کشمیرناصر ڈار، سابق ایم این اے کرن ڈار، صدر ہیومن رائٹس سوسائٹی آف پاکستان سید عاصم ظفر، سیکرٹری جنرل ایم شکوری، صدر شعبہ خواتین ن لیگ زرقا جاوید، صدر وکلا محاذسردار زاہد اسلم خان، منظور گیلانی ایڈووکیٹ، رہنما پیپلزپارٹی غلام عباس میر،لیگی رہنما راجہ شہزاد، بلال بٹ، فاروق آزاد، مرزا عبدالرشید ایڈووکیٹ،تنویرعباس تابش، بیرسٹری اشتیاق چوہدری، سابق پارلیمانی سیکرٹری ڈاکٹرفرزانہ نذیر، راجہ جبار ایڈووکیٹ، بتول ایڈووکیٹ، ڈاکٹر امجد، علامہ مشتاق احمد قادری، زرقا نسیم، سائرہ بانو و دیگر نے خطاب کرتے ہوئے کہا کہ آج یوم یکجہتی کشمیر کے موقع پر پوری پاکستانی قوم کشمیریوں کی پشت پر کھڑی ہے۔ پوری دنیا میں مقیم پاکستانیوں اور کشمیریوں کے بچے بچے نے یکجہتی کشمیر ریلیوں،جلسے جلوسوں میں بھرپورشرکت کرکے دنیا کو بتادیاہے کہ کشمیری عوام اور پاکستانی قوم یک جان دو قالب ہیں۔