(راولاکوٹ ۔ آصف اشرف ) ہزاروں کشمیریوں نے دھمکی دی ہے کہ اگر صدارتی آرڈیننس کو منسوخ کر کے دیگر مطالبات جمعہ کی دوپہر تک پورے نہ ہوئے تو مظفرآباد کی طرف لانگ مارچ اور پاکستان داخل ہونے کے تمام انٹری پوائنٹس بند کرنے گریز نہیں کریں گے۔ حکومت آزاد کشمیر کی تمام کوششیں ناکام آزاد کشمیر بھر میں غیر معینہ مدت کے لیے شٹر ڈاؤن اور پہیہ جام ہڑتال شروع نظام زندگی مفلوج شہر سنسان سڑکیں ویران صرف میڈیکل سٹور ہی کھل سکے ۔عورتوں بچوں بزرگوں کی شرکت رضا کارانہ ہڑتال تاریخ کی کایا پلٹ گئی تعلیمی ادارے اجڑ گئے سرکاری دفاتر بھوت بنگلے بن گئے۔
مقبول بٹ شہید چوک میں ریفرنڈم کشمیر کے قومی پرچم اور سیاہ پرچم اٹھائے جموں کشمیر جوائنٹ عوامی ایکشن کمیٹی کی کور کمیٹی کے رکن عمر نذیر کشمیری راولاکوٹ کی تاریخ کی سب سے بڑی ریلی کی قیادت کرتے جب سپلائی بازار سے مرکزی شہر کی طرف نکلے تو عوام کا سمندر امڈ آیا جوائنٹ ایکشن کمیٹی نے سپریم کورٹ کی طرف سے صدارتی آرڈیننس کی معطلی کے باوجود آج پانچ دسمبر سے غیر معینہ مدت کے لیے پہیہ جام اور شٹر ڈاؤن ہڑتال کرنے کا اعلان کرتے واضع کیا تھا کہ آرڈیننس کی منسوخی اسیران کی رہائی اور مقدمات کا خاتمہ ہوئے بغیر ہڑتال کی کال واپس نہیں کی جاسکتی تعلیمی اداروں کے پیپرز بھی ملتوی کر دئیے گئے مقبول بٹ شہید چوک میں تاریخی جلسہ سے خطاب کرتے انہوں نے کہا کہ ہم صدارتی آرڈیننس کی معطلی نہیں منسوخی چاہتے ہیں، معطلی کا فیصلہ ڈنگ ٹپاو پالیسی ہے اگر اس فیصلے کی اہمیت ہے تو پھر قیدی فوری رہا کیوں نہ ہوئے حق ملکیت اور حق حکمرانی کی بحالی کا مطالبہ کر تے انہوں نے قانون ساز اسمبلی کے تمام 53ممبران کو نا اہل مفاد پرست عوام دشمن قرار دیتے اعلان کیا کہ اگر ہمارے مطالبے پر عمل درآمد نہ ہوا تو ہڑتال غیر معینہ کے لیے ہوگی بجلی ایشو سمیت طے شدہ معائدے پر عمل درآمدنہ ہوا غیر معینہ مدت کی ہڑتال نظام زندگی درہم برہم کر دے گی ہزاروں افراد کی ریلی کر کے آج سے شروع تحریک سے محبت کا اظہار ہے ایکشن کمیٹی کے رکن عمر نذیر کشمیری نے اگلے لائحہ عمل کا اعلان کیا تو شرکاء جذ باتی ہوگئے نعرہ کشمیر جیے کشمیر اساں کشمیری دیش ساڑا کشمیر بجلی ہماری قبضہ تمہارا ڈیم ہمارے راج تمہارا نا منظور نامنظور شہدائے مظفرآباد کی عظمتوں کو سلام آواز دو ہم ایک ہیں یہ وطن ہمارا ہے اس کی حفاظت ہم کریں گے اس کی خاطر ہم لڑیں گئے اس پر حکومت ہم کریں گئے کے فلک نعرے لگاتے رہے ۔
سپریم کورٹ کے فیصلہ کے بعد عمر نذیر کشمیری نے کشمیر بند ہڑتال کے شرکاء سے خطاب کرتے کہا کہ فوری آزاد کشمیر کو فری لورڈشیڈنگ زون قرار دے کر نیشنل گریڈ اسٹیشن قائم کیا جائے حکومت آزاد کشمیر فوری طور نیپرا سے علیحدگی کرے آزاد کشمیر کا انٹرنیشنل ائیر پورٹ تعمیر کیا جائے ناقص غیر میعاری آٹے کی فراہمی ختم کر کے حفظان صحت کے مطابق آٹا ضرورت پر دیا جائے اور آٹے کی ایلو کیشن بڑھائی جائے تئیس ارب روپیہ کی سبسڈی سے بجلی بلز بائی کاٹ تحریک کے دوران بلات جمع نہ کروانے والوں کے بلات کی ادائیگی کی جائے آٹے کی قیمت بہت گر چکی ہے لہزا شہباز شریف حکومت سے تئیس ارب روپیہ جو سبسڈی آٹے کی مد میں لیا گیا ہے اس سے آٹے کی قیمت پندرہ سو روپیہ فی من مقرر کی جائے سابق صدور وزراءاعظم ججز سابق ممبران قانون ساز اسمبلی سابق ممبران کشمیر کونسل کی پنشن فوری ختم کی جائے مفت بجلی مفت پٹرول ڈیزل اور رہائش کک ڈرائیور خدمت گار کی سہولت ختم کی جائے آٹھ سو سی سی سے بڑی گاڑی پر پابندی عائد کی جا ئے سرکاری گاڑیوں کو دفتری اوقات کے بعد دفاتر میں کھڑا کرنے کا حکم دیا جائے بچوں کو تعلیمی اداروں میں لانے بیگمات کی شاپنگ اور گھروں کے کام کے لیے سرکاری گاڑیوں پر پابندی عائد کی جا ہے محکمہ برقیات کے ملازمین کو غیر قانونی طور مفت بجلی کی فراہمی بند کی جائے محکمہ برقیات کے ملازمین سمیت ہر گھر اور کاروباری مرکز سرکاری دفاتر میں ناقص ترین بجلی میٹروں کی تنصیب فوری روکی جائے اور صارف کو حق دیا جائے کہ پی وی سی کی طرح مارکیٹ سے خود میعاری میٹر خرید کر نصب کروائے بجلی بلز میں تحریر ی شق شامل کی جائے جس پر صارف حلف دے کہ وہ بجلی چوری نہیں کرتا اور بجلی ملازمین سے حلف لیا جائے کہ وہ چوری میں ملوث نہیں ہوں گے جو کوئی گھر دفتر یا کاروبار میں بجلی چوری کرے گا اس کی شکائیت اعلی حکام سے کی جائے گی یہ مطالبہ بھی کیا گیا کہ چاروں شہیدوں اظہر الدین وقار نور ثاقب میر اور عدنان فاروق کی شہادت سمیت وحشیانہ تشدداور دیگر واقعات پر جوڈیشل کمیشن فوری بنایا جائے شرکاء نے چاروں شہیدوں کو تحریک کا شہید قرار دیتے ان کے والدین اور دیگر ورثاء کو عظیم قربانی پر مبارک دیتے کہا گیا کہ ہر سال تیرہ مئی کو کشمیر بھر میں ان کا یوم شہادت قومی دن کے طور منایا جائے گا جن کے خون کے صدقے ہر گھر سستی بجلی اور سستے آٹے سے مستفید ہو رہے ہیں تمام شرکاء نے حلف دیا کہ وہ اپنے گھروں اور کاروبار میں نہ بجلی چوری کریں گے ناحق بجلی استعمال کریں گے اور قوم سے بھی مطالبہ کرتے ہیں کہ وہ بجلی چوری اور بلاوجہ استمعال سے بچےجموں کشمیر جوائنٹ عوامی ایکشن کمیٹی نے کہا کہ حالیہ عوامی تحریک میں مظفرآباد اور میرپور میں شہید چار سپوتوں کی شہادت سمیت دیگر واقعات کے اصل زمہ داران کے تعین کے لیے فوری جوڈیشل کمیشن تشکیل دیا جائے ساتھ ہی آزاد کشمیر بھر گلگت اور بیرونی دنیا میں ایک مرتبہ پھر طے معاملات بلخصوص آزاد کشمیر کو فری لورڈشیڈنگ زون قرار دینے کشمیر کا نیشنل گریڈ اسٹیشن قائم کرنے مراعات یافتہ حکمران طبقہ کی مراعات ختم کرنے سمیت دیگر مطالبات پر عمل درآمد پر عمل درآمد نہ ہونے سخت گیر احتجاج کی کال دی گئی ہے انہوں نے واضح کیاکہ :
1 . جوائنٹ عوامی ایکشن کمیٹی کا ایجنڈا اس کا چارٹر آف ڈیمانڈ اور کوڈ آف کنڈکٹ روز اول سے طے شدہ اور واضح تھا اور یہی چارٹر آف ڈیمانڈ جوائنٹ عوامی ایکشن کمیٹی کا نظریہ تھا. اس سے ہٹ کر نہ تو کمیٹی کا کوئی مقصد تھا اور نہ ہی کسی فرد یا جماعت کو کسی دیگر مقصد کے لئے کمیٹی کے احتجاج میں شمولیت کی اجازت تھی.
2. آزادکشمیر حکومت نے کمیٹی کے پرامن احتجاج کوکچلنے کے لئے مسلسل غیر قانونی اور پرتشدد ہتھکنڈوں کا استعمال کیا بطور خاص 11 مئی کے پر امن لانگ مارچ کو کچلنے کے لیے 8 مئی سے چادر اور چاردیواری کا تقدس مجروح کرتے ہوئے کمیٹی کے اراکین کو اغواء کرنا شروع کردیا. ایف سی، پی سی، اور رینجرز کو طلب کر کے مختلف شہروں میں فلیگ مارچ کر کے عوام الناس میں اشتعال پیدا کیا بے پناہ تشدد اور درندگی کے خلاف عوامی ردعمل کو کنٹرول کرنا ناممکن ہوگیا تھا اور کمیٹی کے کوڈ آف کنڈکٹ کی خلاف ورزی کے واقعات سامنے آئے جس کی تمام تر ذمہ داری حکومت پر عائد ہوتی ہے.
جوائنٹ عوامی ایکشن کمیٹی کے خلاف بے بنیاد اور گھٹیا الزامات عائد کر کے انڈیا کو عوامی احتجاج کی جانب متوجہ کیا گیا جسکے بعد انڈیا نے عوامی احتجاج کو بنیاد بنا کر اپنے مقاصد کے لئے پراپیگنڈہ شروع کر دیا. ضروری تھا کہ اس تمام معاملہ میں انڈین ہاتھ کے الزامات عائد کرنے والوں سے اس بابت تحقیقات کی جائیں. جوائنٹ عوامی ایکشن کمیٹی اپنے خلاف انڈین فنڈنگ کا الزام لگانے والوں سمیت آزادکشمیر کے تمام اعلی عہدیداران کے اثاثہ جات کی پڑتال کا مطالبہ کیا اور جوائنٹ عوامی ایکشن کے تسلیم شدہ تمام مطالبات اور معاہدوں اور 4 فروری 2024 کے نوٹیفکیشنز پر فوری عملدرآمد کا مطالبہ کیا یہ انکشاف بھی سامنے لایا کہ حکومت پاکستان کے نمائندگان کی جانب سے رات کو انکار اور صبح کے وقت اقرار کے بعد نوٹیفکیشنز کے اجراء میں تاخیر اور انٹرنیٹ کی بندش نے حالات کو خراب کیا . واضح رہے کہ راولاکوٹ میں رات کو مزاکرات کے بعد کمیٹی کے ساتھ مزید کسی بھی قسم کے مذاکرات نہ ہوئے صرف نوٹیفکیشنز کے طے شدہ امور کے مطابق اجراء کے لئے فون پر رابطہ ہوتا رہا. اس تمام تر تاخیر اور رینجرز کی مظفرآباد میں آمد کے بعد مظفرآباد میں 3 بے گناہ نوجوان شہید ہوئے . رینجرز کو بلانے اور مقامی انتظامیہ کی راہنمائی اور معاونت کے بغیر نہتے شہریوں پر بے دریغ فائرنگ کی تمام تر ذمہ داری آزادکشمیر حکومت بالخصوص وزیراعظم اور وزیر داخلہ آزادکشمیر پر عائد کرتے جموں و کشمیر جوائنٹ عوامی ایکشن کمیٹی نے مطالبہ کیا کہ آزادکشمیر حکومت کی جانب سے تشدد کو ابھارنے والے تمام اقدامات جو 8 تا 13 مئی 2024 کے درمیانی عرصہ میں پیش آئے اور جس میں بے گناہ انسانوں کا خون بہایا گیا کی مکمل تحقیقات کے لئے جوڈیشل کمیشن کا قیام عمل میں لایا جائے جو تمام واقعات بشمول ڈڈیال کے واقعات، پولیس آفیسر اور مظفرآباد کے نوجوانوں کی شہادت کی مکمل تحقیقات کرے.
وہ تمام حل طلب معاملات یکسو کئے جائیں جنہیں حل کرنے کی ذمہ داری حکومت پاکستان کے نمائندوں نے دوران مذاکرات اٹھائی آزادکشمیر میں نیشنل گرڈ کا قیام عمل میں لایا جائے اور آزادکشمیر کو لوڈشیڈنگ فری زون قرار دیا جائے نیز تمام ہائیڈل پراجیکٹس کے متعلق ہائی کورٹ کے فیصلہ محررہ 15 نومبر 2019 پر من و عن عملدرآمد کیا جائے.
محکمہ برقیات اور محکمہ خوراک میں ہونے والی کرپشن، بے ضابطگیوں اور صارفین کو لوٹنے کے واقعات کی تحقیقات کے لئے آزادکشمیر ہائی کورٹ کے معزز ججز ہر مشتمل کمیشن قائم کیا جائے. تمام حکمران طبقات کی مراعات ختم کی جائیں اور اس حوالے سے قانون سازی کی جائے.
. حکومت آزادکشمیر کی جانب سے 4 فروری 2024 کو جاری کردہ نوٹیفکیشنز کے بقیہ 8 نکات پر عملدرآمد کیا جائے.
آبادی کے تناسب سے آٹا کی ایلوکیشن پوری کی جائے لانگ مارچ کے دوران سیکڑوں زخمی کئے گئے پرامن مظاہرین کی داد رسی کرتے ہوئے متعلقہ ذمہ داران کے خلاف قانونی کارروائی عمل میں لائی جائے.
متذکرہ بالا مطالبات منظور نہ ہونے کی صورت میں جموں کشمیر جوائنٹ عوامی ایکشن کمیٹی ایک مرتبہ پھر پورے آزادکشمیر کے ساتھ ، پاکستان، بیرون ملک اور گلگت بلتستان میں احتجاجی مظاہرے کر کے پانچ دسمبر سے جاری سخت ترین لائحہ عمل پر سامنے لائی تحریک انقلاب برپا کر رہے گے .
جموں کشمیر جوائنٹ عوامی ایکشن کمیٹی کے ممبر عمر نذیر کشمیری نے گزشتہ سال 11، 12، 13 مئی 2024 تاریخ ساز لانگ مارچ پر ریاست بھر کی ہم وطن قوم کو مبارکباد پیش کرتے لانگ مارچ میں بھرپور شرکت کی بلکہ تینوں ڈویژنز میں تاریخ ساز استقبال کئے اور مہمان نوازی کی نئی تاریخ رقم کرنے پر شکریہ ادا کیا.
واپس کریں