دل بعض و حسد سے رنجور نہ کر
یہ نور خدا ہے اس سے بے نور نہ کر
سوشل میڈیا کے تیز رفتار دور میں جموں و کشمیر کے عوام کی جدوجہد کو عالمی سطح پر اجاگر کرنے اور بھارت کی ریاستی دہشت گردی کو بے نقاب کرنے کے لئے میڈیا کے جدید ذرائع کا بھر پور استعمال کیا جارہا ہے، کشمیر پالیسی ریسرچ انسٹیٹیوٹ نوجوانوں اور خصوصاً طلباء و طالبات کے ساتھ مل کر بھارتی بربریت اور مقبوضہ جموں و کشمیر میں انسانی حقوق کی خلاف ورزیوں کو دنیا کے سامنے لانے کے لیے ہنگامی بنیادوں پر پروگرامات شروع کرے۔ ان خیالات کا اظہار سیکرٹری جموں و کشمیر لبریشن سیل مرزا وجاہت رشید بیگ نے کشمیر سنٹر راولپنڈی میں ڈائریکٹرز/آفیسران کے اجلاس سے خطاب کرتے ہوئے کیا۔ اجلاس میں ڈائریکٹر ایڈمن راجہ محمد سجاد خان، ڈائریکٹر نیشنل قومی اگاہی ونگ راجہ محمد اسلم خان، میڈیا کوآرڈینیٹر سردار علی شان، ڈائریکٹر کشمیر سنٹر راولپنڈی راجہ خان افسر خان، ڈپٹی ڈائریکٹرز سردار ساجد محمود ، سرفراز عباسی، سردار عظیم سرور، انچارج ڈیجیٹل میڈیا نجیب الغفور خان، اسسٹنٹ ڈائریکٹرز راجہ راشد رضا، انعام الحسن کاشمیری فرحان قیوم عباسی، نگران سید ضمیرالحسن نقوی اور دیگر آفیسران موجود تھے۔ وجاہت رشید بیگ نے کہا کہ کشمیر پالیسی ریسرچ انسٹیٹیوٹ نے نوجوانوں کو مسئلہ کشمیر کی تاریخی اور جغرافیائی اہمیّت پر مختلف انٹرن شپ پروگرامات شروع کئے جو کہ بہت ہی احسن اقدام ہے وزیراعظم آزاد کشمیر چوہدری انوار الحق کی ہدایات پر اس میں مزید بہتری لا رہے ہیں۔ انہوں نے کہا کہ بھارتی مظالم کو دنیا کے سامنے لانے کے لئے اور عالمی برادری کی توجہ حاصل کرنے کے لئے نئی اور جدید حکمت عملی مرتب کی جارہی ہے۔ آزادکشمیر کی تمام یونیورسٹیز میں مسئلہ کشمیر کے حوالے سے سمینارز، کانفرنسز اور ورکشاشپس کا آغاز کر دیا گیا ہے جبکہ اس سلسلہ میں سوشل میڈیا ورکشاپس اور ٹرینگ کا اہتمام بھی کیا جارہاہے تاکہ نوجوان دورر جدید میں اس ٹول کا بھرپور استعمال کرتے ہوئے اپنے پیدائشی حق کے لئے مقبوضہ جموں و کشمیر کی مظبوط آواز بن سکیں۔ مرزا وجاہت رشید بیگ نے کہا کہ جموں و کشمیر لبریشن سیل کے تمام شعبہ جات اس سلسلہ میں کام کر رہے ہیں۔ انہوں نے کہا کہ 5 اگست 2019 مقبوضہ کشمیر کی خصوصی حیثیت کے خاتمے کے بعد جموں و کشمیر لبریشن سیل کی ذمہ داریوں میں مزید اضافہ ہو گیا تھا۔ اس سلسلہ میں جموں و کشمیر لبریشن سیل کے زیر اہتمام کریش پروگرامات کے ذریعے اپنی حکمت عملی مرتب کی گئی، جس کے تحت تمام شعبہ جات کو ہنگامی بنیادوں پر ٹاسک دئیے گئے۔انہوں نے کہا کہ میڈیا مانیٹرنگ کے ساتھ ساتھ جموں و کشمیر لبریشن سیل کا سوشل میڈیا یونٹ 24گھنٹے کام کر رہا ہے۔ لبریشن سیل کے زیر اہتمام یو نیورسٹیز کالجز اور سکولوں کی سطح پر تقریری مقابلوں اور حق خود ارادیت آگاہی مہم کا سلسلہ بھی جاری ہے۔ وجاہت رشید بیگ نے کہا کہ لبریشن سیل کے زیر اہتمام پروگرامات سے نو جوان نسل میں مسئلہ کشمیر کے حوالے سے بھر پور آگا ہی پیدا ہو رہی ہے۔ انہوں نے کہا کہ تحریک آزادی قومی اور بین الااقوامی سطح پر اجاگر کرنے کے لئے تمام وسائل بروئے کار لائے جائیں گے۔سیکرٹری لبریشن سیل نے کہا کہ جموں کشمیر لبریشن سیل کو جدید خطوط پر استوار کیا جا رہا ہے۔ انہوں نے کہا کشمیر پالیسی ریسرچ انسٹیٹیوٹ کے زیر اہتمام 10دسمبر انسانی حقوق کے عالمی دن کے موقع پر انٹرنیشنل کشمیر سمینار کیا جائے گا، جس میں مختلف ممالک سے سکالرز کو مدعو کیا جائے گا تاکہ عالمی برادری کو کشمیریوں پر بھارتی مظالم اور انسانی حقوق کی خلاف ورزیوں سے آگاہ کیا جاسکے۔انہوں نے کہا کہ بھارت معصوم کشمیر یوں پر مختلف کالے قوانین کے ذریعے ظلم و بربریت کر رہا ہے۔