دل بعض و حسد سے رنجور نہ کر
یہ نور خدا ہے اس سے بے نور نہ کر
سردارساجد محمودڈپٹی ڈائریکٹرلاء فیئرونگ راولپنڈی۔ جناب وزیراعظم آزادحکومت ریاست جموں وکشمیرچوہدری انوارالحق کی خصوصی ہدایات کی روشنی میں کشمیرکازآرٹس اینڈ لینگویجز کے زیراہتمام آزادکشمیربھراوروفاقی دارالحکومت اسلام آباد سمیت پنجاب کے تاریخی شہرلاہورمیں قائدحریت سید علی گیلانی کی تیسری برسی کے موقع پرخصوصی تقریبات کاانعقاد کرتے ہوئے سید علی گیلانی کی سیاسی،دینی، تحریکی وملی خدمات کوبھرپورانداز میں خراج عقیدت پیش کیاگیااور سیکرٹری جموں و کشمیر لبریشن سیل نے تمام سرگرمیوں کی خود نگرانی فرمائی۔ اس ضمن میں وفاقی دارالحکومت اسلام آباد میں واقع جموں وکشمیرہاؤس کے ملٹی پرپز ہال میں آل پارٹیز حریت کانفرنس اور جموں وکشمیرلبریشن سیل کے اشتراک سے ایک اعلیٰ سطحی تقریب کاانعقاد کیاگیا جس میں پاکستان مسلم لیگ ن کے سابق صدرو سینٹر راجہ ظفرالحق، قومی کشمیر کمیٹی کے چیئرمین راناقاسم نون، سابق امیر جماعتی اسلامی پاکستان مولاناسرا ج الحق،سابق وزیراعظم آزاد کشمیر سردارعتیق احمدخان، سینیٹر سحرکامران ایم این اے، امیر جماعت اسلامی آزاد کشمیر ڈاکٹرمشتاق، سابق کنونیئرآل پارٹیز حریت کانفرنس محمود احمدساگر، فاروق رحمانی،، عبداللہ گل،فیض نقشبندی، سابق وزیر حکومت آزاد کشمیر فرزانہ یعقوب کے علاوہ مختلف مکاتب فکر سے تعلق رکھنے والے افراد کی ایک معقول تعداد نے شرکت کی۔ مقررین نے قائد حریت کی لازوال جدوجہد اور تحریکی خدمات پرتفصیلی روشنی ڈالے ہوئے کہاکہ قائدحریت نے مشکل ترین حالات میں بھی پاکستانیت کاعلم بلند رکھااور ہم پاکستانی ہیں پاکستان ہماراہے کا نعرہ دے کرنہ صرف مقبوضہ کشمیراور آزادکشمیرکے عوام بالخصوص نوجوانوں کی صحیح سمت میں راہنمائی فرمائی بلکہ انھوں نے تحریک آزادی کشمیرکی منزل کے لیے واضح راہ متعین کرنے کافریضہ بھی سرانجام دیا۔