دل بعض و حسد سے رنجور نہ کر
یہ نور خدا ہے اس سے بے نور نہ کر
قومی معیشت کی کشتی کے ساحل تک پہنچنے میں کیا رکاوٹیں ہیں اور ان کا خاتمہ کیسے ممکن ہے،وفاقی وزیر ترقی و منصوبہ بندی احسن اقبال نے گزشتہ روز بزنس سمٹ سے خطاب میں ان حوالوں سے بے لاگ حقائق قوم کے سامنے پیش کیے ہیں۔ان کا کہنا تھا کہ فی الوقت ہم اپنے تمام اخراجات ادھار لے کر پورے کر رہے ہیںاور ہمیں اگلے تین سال میں 70ارب ڈالر ادا کرنے ہیں۔ انہوں نے واضح کیا کہ امن وامان، سیاسی استحکام اور پالیسیوں میں تسلسل قائم نہ ہوا تو ہم دائروں میں گھومتے رہیں گے جبکہ حالات مثبت رہے تو سات فی صد شرح ترقی کے ساتھ پاکستان 2047ء تک دو ہزار ارب ڈالر کی معیشت بن سکتا ہے۔