دل بعض و حسد سے رنجور نہ کر
یہ نور خدا ہے اس سے بے نور نہ کر
ایمازون کے جنگلوں میں کئی ایسے قبائل آباد ہیں جن کا جدید دنیا سے کوئی رابطہ نہیں ہے۔ انہی قبائل میں ایک "زمزیکوا" نامی قبیلہ بھی ہے جو ایمازون کی برازیلی حدود میں صدیوں سے قیام پذیر ہے۔ یہ قبیلہ 2005 کے اوائل میں اس وقت دریافت ہوا جب ماہرین کی ایک ٹیم تجربات کی غرض سے جنگل کے اس حصے میں گئی۔ ماہرین کی اس ٹیم میں موجود ڈاکٹر رچرڈ وینش کا کہنا ہے کہ انہیں بالکل اندازہ نہیں تھا کہ یوں اچانک وہ انسانوں کی ایک نایاب قسم ڈھونڈ نکالیں گے۔ اس قبیلے کو نایاب اس لیے کہا گیا کہ ایمازون کے بقیا قبائل کی طرح اس قبیلے کے لوگ بالکل بھی وحشی نہیں تھے۔ انتہائی معصوم اور بے ضرر یہ قبیلہ کئی دن ماہرین کی توجہ کا مرکز بنا رہا۔ اس قبیلے کے لوگ آپس میں اشاروں کی زبان میں باتیں کرتے تھے۔ پہلے پہل تو ماہرین کو ان کی زبان کی بالکل سمجھ نہ آئی لیکن ایک ماہر ڈاکٹر لوسی نے کچھ محنت کے بعد ان کی باتیں سمجھنا شروع کردیں۔ ماہرین کی یہ ٹیم دو مہینے اس قبیلے کے ساتھ رہی اور ان دو ماہ میں جو سب سے عجیب چیز ان کے علم میں آئی وہ یہ تھی کہ اس قبیلے کے لوگ ایک انتہائی نایاب بلڈ گروپ کے حامل تھے۔ یہ بلڈ گروپ آج تک انسانوں میں نہیں دیکھا گیا۔ ماہرین نے اس خون کے کئی سیمپل لیے اور چند ہی دن اس سے بھی حیران کن بات یہ سامنے آئی کہ اس نایاب خون کا خاصہ یہ ہے کہ اس قبیلے کے لوگوں کو جو بھی خواب آتے ہیں وہ سچے ہوتے ہیں۔ یہ ایک انتہائی متحیر کر دینے والی صورت حال تھی۔ ماہرین اپنی اس کامیابی پر بہت خوش ہوئے اور دو ماہ بعد واپس آگئے۔ اس قبیلے پر بعد میں بھی کئی تجربات کیے گئے اور قبیلے کے کئی لوگوں کو امریکہ بھی لایا گیا جہاں وہ بڑے سکون سے رہے۔