دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر(مانیٹرنگ ڈیسک) شہید "آزادی"شیخ عبدالحمید شہید غلام نبی بٹ اور شہدائے عالی کدل کا یوم شہادت یوم کردار کی صورت میں منایا گیا۔ جے کے ایل ایف کے چاروں دھڑوں کا شہید شیخ عبدالحمید اور برادر اکبر محمد مقبول بٹ، غلام نبی بٹ ایڈوکیٹ جمیل چوہدری، محمد حسین حقاک، غلام جیلانی، منظور احمد خان، مشتاق لون، مشتاق کٹے، اور دیگر شہدا کو خراج عقیدت۔ سرینگر شہر خاص کے علاقے بٹہ مالو سے تعلق رکھنے والے اپنے خاندان کے اکلوتے چشم و چراغ شیخ عبدالحمید کو ان کے 30ویں یوم شہادت پر جے کے ایل ایف کے چاروں دھڑوں اسلامک سٹوڈنٹس لیگ، محاذ آزادی، لبریشن ڈیموکریٹک پارٹی نے زبردست خراج پیش کیا ہے۔ شیخ عبدالحمید ان سات نوجوانوں میں شامل تھے جنہوں نے سب سے پہلے 87کو خونی لکیر روند کر بیس کیمپ سے عسکری تربیت حاصل کی جن کے بعد شہید اشفاق مجید وانی، محمد یاسین ملک، جاوید میر اور صف اول کے دوسرے قائدین بیس کیمپ پہنچے۔ شیخ عبدالحمید کو یہ اعزاز بھی حاصل ہے کہ مجاہدین کے آپسی تصادم کی خون ریزی بند کروائی۔ وہ جے کے ایل ایف کے پہلے صدر بھی رہے۔