لیگل فورم فار کشمیر (LFK) کی ایک رپورٹ کے مطابق، بھارت نے مقبوضہ کشمیر میں 178,005.213 ایکڑ اور جموں میں 25,159.56 ایکڑ اراضی ہتھیا لی ہے تاکہ لوگوں کو ان کی آمدنی کے بڑے ذرائع سے محروم رکھا جا سکے۔ خطے میں بے روزگاری 23 فیصد تک پہنچ گئی ہے، جب کہ سرمایہ کاری میں 55 فیصد کمی آئی ہے۔
کشمیریوں کی سیاسی بے اختیاری انتہائی تیز رفتاری سے ہوئی ہے، جو فلسطین میں آباد کار استعمار کی طرح ہے۔ بھارت نے آبادی کے تناسب کو تبدیل کرنے اور خطے میں مسلم اکثریت کو کمزور کرنے کے لیے تقریباً 3.5 ملین بیرونی لوگوں کو ڈومیسائل سرٹیفکیٹ جاری کیے ہیں۔ اس کے نتیجے میں انتخابی منظر نامے میں تبدیلیاں آئی ہیں، جس میں اسمبلی کی نشستوں کی تعداد 83 سے بڑھا کر 90 کرنا بھی شامل ہے۔ اس کے نتیجے میں مقبوضہ جموں میں ہندو اکثریت کے لیے صرف ایک اضافی نشست کے مقابلے میں چھ اضافی نشستیں (37 سے بڑھ کر 43 ہو گئی ہیں)۔ مسلم اکثریت کے لیے (46 سے 47 تک)۔
مقبوضہ جموں کے لیے اسمبلی سیٹوں میں غیر متناسب اضافہ سنگین خدشات کو جنم دیتا ہے، کیونکہ یہ سابق ریاست جموں و کشمیر کی آبادی کا 44 فیصد ہے لیکن اسمبلی سیٹوں کا 48 فیصد رکھتا ہے۔ اس کے برعکس، 2011 کی مردم شماری کے مطابق، جموں سے زیادہ آبادی ہونے کے باوجود، وادی کشمیر کی کل آبادی کا 56 فیصد اب اسمبلی میں 52 فیصد نمائندگی رکھتی ہے۔
ہندوستان کی تعلیمی پالیسیوں میں تبدیلیاں اور اہم نشانیوں کا نام تبدیل کرنا مقبوضہ کشمیر کے ثقافتی الحاق کے منصوبے کی نشاندہی کرتا ہے۔ ہندی کو کشمیر کی سرکاری زبان کے طور پر نامزد کرنااور 2011 کی مردم شماری کے مطابق صرف 2.0 فیصد کشمیریوں کے بولنے کے باوجود اردو سے وابستہ صدیوں پرانے ورثے، ادب، تاریخ اور شناخت کو خطرہ ہے۔
اہم ہندو شخصیات کے نام پر تاریخی مقامات کا نام تبدیل کرنا اور 50,000 مندروں کی تعمیر نو کا منصوبہ مقبوضہ کشمیر کی الگ ثقافتی شناخت کے تحفظ کے حوالے سے خدشات کو مزید بڑھا دیتا ہے۔
دی نیوز میں شائع صبور علی سید کے کالم کرشنگ کشمیر سے اقتباس
ترجمہ۔احتشام الحق شامی
واپس کریں