عمران نیازی کے پاگل پن کا اعلاج ۔۔۔ ایک مجرد نسخہ ۔
موجودہ حکومت کو دیدہ اور نادیدہ قوتوں کی جانب سے پیدا کیے جانے والے خوف سے باہر نکل کر ، عمران نیازی کے پھیلائے گئے گند کو صاف کرنے کی مربوط منصوبہ بندی کرنا ہو گی ۔ عمران نیازی کو سیاسی لیڈر ، صادق و امین اور وزیر اعظم بنانے کیلیے بہت سارے مصنوعی نقاب پہنائے گئے تھے۔ اس نقاب پوشی میں ہماری اسٹیبلشمنٹ کو تمام تر وسائل کیساتھ دو دہائیاں لگی تھیں ۔ اب حالات اور وقت فیور میں ہے کہ عمران کے چہرے پر چڑھے تمام مصنوعی نقاب اتار پھینکے جائیں اور قوم کو اُسکا اصلی چہرہ دکھایا جائے۔

1۔ ملک اور ملک سے باہر کون نہیں جانتا کہ سیتا وائٹ کی بیٹی ٹیریان جیڈ عمران کے نطفے سے ہے۔ پہلے یہ کیس ایک پیج والوں نے نہیں چلنے دیا تھا۔ یہ کیس نہ صرف مقامی بلکہ بین الاقومی سطح اور خاص کر مغرب میں بہت اہمیت کا حامل ہے۔ اگر عمران ٹیریان کو اپنی بیٹی تسلیم کرنے سے انکار کرتا ہے تو پورا مغرب عمران پر تھو تھو کریگا۔ لہٰذا ٹیریان کو اسکا باپ دلانے کیلیے پاکستان میں یہ کیس شروع کیا جائے یہ کیس آج تک دبا ہوا ہے۔
2۔ مغربی دنیا چیرٹی خورد برد کرنیوالوں سے نفرت کرتی ہے۔ شوکت خانم اور عبدالقادر یونیورسٹی میں جس بیدردی کیساتھ چیرٹی / ڈونیشنز خورد بُرد کی گئی ہیں اسکی مثال نہیں ملتی۔ عمران اور اسکی بہنوں نے کینسر مریضوں کیلیے ملنے والے عطیات کو جسطرح لُوٹا ہے اب اس جرم سے پردہ اٹھنا چاہیے ۔ لہٰذا شوکت خانم اور عبدالقادر یونیورسٹی کا فرانزک آڈٹ کرایا جائے۔
3۔ توشہ خانہ میں عمران نے جو ہاتھ مارے ہیں اس پر کسی کو شک نہیں ۔ جو مرسیڈیز گاڑی عمران نے خورد برد کی ہے اسکا تمام ریکارڈ سرکاری ہے ۔ اس ریکارڈ پر مبنی کاروائی عمران کو آسانی کیساتھ مجرم ثابت کر دیگی۔
4۔ فرح گوگی کو فرنٹ پرسن بنا کر عمران اسکی بیوی ، خاور مانیکا اور اسکی اولاد نے جو کرپشن کی ہے پنجاب کا ہر افسر جانتا ہے ۔ اس کیس پر بھی شک نہیں ہو گا کہ یہ کوئی انتقامی کاروائی ہے۔
5۔ آئین شکنی کی بابت پوری قوم متفق ہے۔ ہر کوئی کنوینس ہے کہ عمران نیازی اور اسکے ساتھیوں نے دیدہ دلیری سے آئین شکنی کی ہے ۔ آئین شکنی پر عمران کیخلاف کاروائی عمران کو بکری بنا دیگی۔
6۔ مسجد نبویؐ کی توہین کا جرم سنگین ہے۔ جو علامے اب یہ کہنا شروع ہو گئے ہیں کہ جرم سعودی عرب میں ہوا ہے تو مقدمہ پاکستان میں کیسے ہو سکتا ہے یہ لوگ جاہل ہیں ۔ پاکستان میں سازش تیار کرکے دنیا میں کسی بھی جگہ کیے جانے والے جرم پر پاکستان میں مقدمہ دائر ہو سکتا ہے۔ اس جرم کی سازش پاکستان میں ہوئی ہے۔ اور تفتیش میں یہ بات آسانی کیساتھ ثابت کی جا سکتی دو ویڈیوز اور ٹیلی فونک کالز ہی کافی ہیں۔۔۔۔ کیس ایسے بنائے جائیں جنکے بارے میں عوامی سطح پر لوگوں کو یقین ہے کہ عمران ان مقدمات میں ملوث ہے۔
7۔ فارن فنڈنگ کیس اور ابراج کیس بھی بہت اہم ہیں ۔ عمران کو معلوم ہے کہ وہ اس جرم میں ملوث ہے

درج بالا 7 مقدمات پر توجہ دی جائے تو عمران کے چہرے پر چڑھے تمام مصنوعی نقاب اتر جائینگے۔
وما علینا الا البلاغ۔ اسٹڈی سرکل PPP پنجاب ۔
واپس کریں