دل بعض و حسد سے رنجور نہ کر
یہ نور خدا ہے اس سے بے نور نہ کر
امریکی اداکارہ اور رضاکار انجلینا جولی نے نیشنل فلڈ رسپانس کوآرڈینیشن سینٹر کا دورہ کیا۔اس موقع پر این ایف آر سی سی کے ڈپٹی چیئرمین احسن اقبال نے ان کا خیر مقدم کیا ۔اس موقع پر گفتگو کرتے ہوئے انجلینا جولی نے کہا کہ میں نے کبھی ایسا کچھ نہیں دیکھا، جیسا کہ آپ نے ذکر کیا ہے، میں کئی بار پاکستان آئی ہوں اور پہلی دفعہ ایک میزبان ملک کی حیثیت سے پاکستان کی جانب سے افغان عوام کے لیے سخاوت کے مظاہرے کی وجہ سے آئی تھی۔انہوں نے کہا کہ اکثر ایسے وہ ممالک ہوتے ہیں جن کے پاس اتنا نہیں ہوتا ہے لیکن پھر بھی دوسروں کے مقابلے میں زیادہ دیتے ہیں اور اب اس وقت ہم دیکھتے ہیں کہ یہ وہ ممالک ہیں جن سے ماحولیات کو کم نقصان پہنچتا ہے اور وہ تباہی، تکالیف اور اموات کا شکار ہیں۔اداکارہ نے کہا کہ وہ گزارا نہیں کر پائیں گے، یہاں بہت سے بچے غذائیت کی انتہائی کمی کا شکار ہیں اور اگر انہوں نے آئندہ کچھ ماہ گزارا کر بھی لیا تو آگے سردیاں آرہی ہیں، فصلیں اور کھیتی باڑی تباہ ہے لیکن مجھے یہ کہنا بھی مناسب نہیں لگتا کیوں کہ میں اس سے نہیں گزر رہی، اس لیے میں صرف بات کرنے اور مدد کرنے کی کوشش کر سکتی ہوں۔