دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد (بیدار رپورٹ) جموں وکشمیرلبریشن کمیشن کے سبکدوش ہونے والے سیکرٹری اعجاز حسین لون کے اعزاز میں کشمیرسنٹرراولپنڈی میں الوداعی تقریب کا انعقاد کیا گیاجس میں میڈیا ونگ نیشنل کوآرڈی نیشن ونگ کے افسران واہلکاران نے شرکت کی۔ تقریب سے خطاب کرتے ہوئے اعجاز حسین لون نے کہا کہ مجھے جموں وکشمیرلبریشن کمیشن جیسے ادارے کا سیکرٹری رہنے اور پھرادارے سے سبکدوش ہونے پر فخر ہے جو کشمیر کاز کی پراجیکشن اور مقبوضہ جموں وکشمیرمیں قابض بھارتی فوج کے ہاتھوں انسانی حقوق کی زبردست خلاف ورزیوں سے عالمی برادری کو روشناس کروانے کے لیے اپنا کردار ادا کررہاہے۔ محکمہ کے افسران و اہلکاران بھرپور صلاحیتوں کے حامل ہیں اور شب وروز کشمیر کاز کی پراجیکشن میں مصروف عمل ہیں جس کے باعث یہ مسئلہ اندرون و بیرون ملک بھرپور انداز میں نمایاں ہورہاہے۔